Bizim Merziye

Wednesday, July 14, 2004

هر سحر باخيرام "دماوند"ه من


آشاغيداكى قوشوقلار "عصر عمل" ٬ سايى ٤ ٬ ١٣٥٥ ايليندن آلينيبدير.

ايكى: پاييز ٥٠




هر سحر باخيرام "دماوند"ه من
قوجا داغ ووقارلا ياتيب دوروب
بيلميره م نه واختدان٬ هانسى زاماندان
كؤهنه لمز٬ آغ٬ تميز چاديرين قوروب
گاهدان زيروه سينه گونش ساچيلير
گاهدان دا دومانلار دؤوره لير اونو
نه يئللر٬ نه سئللر كيچيلدير جانين
داشداندير سينه سى٬ قارداندير دونو
آغ باشى بنزه يير " آرش" باشينا
"كاوه"نين٬ "ضحاك"ين اوندا ايزى وار
يئنى "ضحاك"لارا كؤهنه تاريخدن
خالقين كينه سيندن آيدين سؤزو وار
هر زامان باخاندا "دماوند"ه من
داياغيم چوخالير٬ كينه م درينلير
"ضحاك"ى گؤروره م٬ كؤنلوم اودلانير
"كاوه"نى يادليرام٬ باغريم سرينلير

0 Comments:

Post a Comment

<< Home